Op zuik noar schiere diggels

Van nommerdag was k in laand van de bluvvers, windhappers, windmoakers, blauwgörtvreters, stobbendrieters, preekstouldaiven en woapendaiven. 

Ik was doar op zuik noar schiere diggels.

Vervast van n bluvver.

Zo'n zaailboot is n windhapper.

Lutje potje binnen windmoakers.

Is dit n blauwgörtvreter ?

Dij peerden drieten vast wel n moal op de stobben. Dan bin dat stobbendrieters zeg mor.

Dou mit de snikke twij preekstoulen oet Stad kwamen was der aine veur Veendam en de aander veur Wildervank. Veendam aigende zuk de schierste tou en kregen doardeur de noam preekstouldaiven

.

Hierboven t gemaintewoapen van Veendam oet 1872. Mor wat mot dij adder doar ?

Oadrioan Geerts Wildervanck zien vraauw Margeretha Hardenbaarg was toch op de haide in sloapvallen. Dou zai wakker wuir kroop der n adder over heur aarm. De Veendammers hebben dij adder stolen van Wildervank. Vandoar dij Woapendaiven'.

Dij schiere diggels heb k vonden in t museum in Veendam. 

Klik hier mor even veur meer over mien bezuik.