woensdag 16 maart 2016

Grunneger schriefwedstried


Meertmoand is dialectmoand. 
In Westerwolde goud veur n Grunneger Weke. 
Vanoavend ston in taiken van t oetlangen van de priezen van de Grunneger schriefwedstried.


De zoal in t dörpshoes in Wedde zat vol.


Wetholder Lea van der Tuin-Kuipers heur opening was in dichtvörm in t Grunnegs van t Westerketaier.


De oavend wuir aan n kander proat deur Alex Vissering en wetholder Giny Luth sprak de prieswinnoars tou.


Tussen de bedrieven deur was der meziek van 't Knoal. Ze zongen aigen nummers, mor ook "As vaaier woorden" van Ede Stoal en "Doen in Oskerd" van Jan Veldman.


Janny de Vries van radio Westerwolde druig t winnende gedicht veur.


en t winnende verhoal wuir veurlezen deur jurylid Wia Jager.


Wendy Wilts en Wilma Musters hebben de Grunneger schriefwedstried wonnen. Wendy veur poëzie en Wilma veur proza. De wetholders Lea van der Tuin-Kuipers en Giny Luth waren drok mit t oetlangen van de priezen.


De verhoalen en gedichten binnen bundeld. Alex Vissering lot de zoal zain dat Klaas Jacob Duit der ploatjes bie mokt het.


De oavend wuir besloten mit t zingen van t Grunneger volkslaid van Geert Teis Pzn.

Geen opmerkingen:

Een reactie posten